Aurlandskoen

Aurland Skofabrikk produserer og sel den tradisjonsrike Aurlandskoen.

Aurlandskoen, slik den ser ut i dag, har vore produsert sidan midt på 1930-talet. Me kjenner til 19 ulike skofabrikkar som har vore i drift i Aurland, og på det meste var nesten 100 personar sysselsette innan skomakaryrket her. I dag er Aurland Skofabrikk den einaste attverande produsent av den karakteristiske Aurlandskoen.

Sommaren 2009 opna Aurland Skofabrikk eit nytt visningssenter for Aurlandskoen, etter den canadiske modellen Économusée. Visningssenteret er det første i sitt slag i Europa.

I skofabrikken og det nye visningssenteret Aurlandskoen Économusée, får du formidla historia og kunnskapen om skohandverket i Aurland. Her kan du og handle Aurlandskoen og dei andre produkta våre til fabrikkpris.

Kom og sjå levande skoproduksjon i ein av dei siste attverande skofabrikkane i Noreg!